Хэзээд л ...

...

2009-05-18T12:26:00+08:00

(Энэ хязгаарлалтын тохиргоотой бичлэг байна. Зөвхөн унших эрхтэй хүмүүс л нэвтэрч блогоос нь унших боломжтой...)

2009-02-14T19:23:00+08:00

Хмммм. Валентины баяр ч гэх шиг. Хэнийг ч хайрлаж үл чадах атлаа дурлахгүй байж үл тэвчих. Ухамсар ярьж хий номлосоор хүн болохоос хэдийнэ өнгөрчээ. Эргэж буцаад ч оройтжээ. Хэнд ч хамаагүй зүрхээ тушаачихмаар өдөр байхчвээ. Ямартай ч бүгдэд нь Валентины мэнд. За за хий номлож суухаар хэврэг оюунаа саатуулж хэсэг ч болов хорвоогоос ангижрах минь.
Хөөрхий блогтоо хий оруулъя гээд хүчтэй ганц унгачий.

Өнөөдөр...

2008-12-26T14:02:00+08:00

Ууж идэхийн одонд төрсөн юм шиг өдөр хоногууд өнгөрсөөр л. Дахиад л утгагүйтчих юм. Хэт хувиа хичээсэн зан би-г маань уусгаж идээд дуусгах нь. Хэзээ ийм байлаа даа амьдрал. Хараал ид. Би дэндүү уйдамхай арчаагүй болжээ. Сэтгэл маань зугаа цэнгэлтэй гүн нөхцөөд зүрх маань хагарч бутарсаар бие минь ядарч гүйцэх нь. Хэзээ язааны ингээд ухаараад суух нь олширсоор атал зүгшрих нь үгүй юм.
Хором ч уйдаж үл чадах сэтгэл хямдхан
Хоног ч хөдөлмөрлөж үл түвдэх бие эмзэг
Харцанд догдлон сэрэх дурлал хөнгөн
Хайранд уягдаж үл тэвчих ухамсар худал

Маргааш бас л манай бяцхан Паарти болно. Энд тэнд эрээн мяраан охид залуус. Эзэнтэй эзэнгүй эхнэр нөхрүүд. Дарс, пийв, архи. Даруулга зууш амттангууд. Шимж, ууж, залгилж. Шилж, сонгож, амтална. Өрнөл хэсэг. Согтох нь согтож, сонжих нь сонжино. Энэ баяр биш ээ. Эцэст нь согтуурал секс хоёрт л автана. Маргааш нь өрөө төлнө. Магад зарим нь зээл тавьна. Гэхдээ би дуртай. Гэмтэй бүхэнд бүүр дуртай. Садар зүйлд дэндүү дуртай. Санаа байвч сачий нь хүрэх нь даанч ховор. Нуух юун би гэмтэй залуу. Нүгэлт энэ сэтгэлийг яавал зохилтойв?.

Элий балай, эрүүл согтуугаа ч ялгахаа байлаа. Хайрлаж энэрч хамаг сэтгэл зүрхээ бэлнээр төлж орхиод тонгойн суугаад шаналахсан. Аль эсвэл гэгээрч соёлжиж гэмгүй ард шиг зүтгэж хүний нийгмийг хөдөлгөгч хүчирхэг машины эд анги нь болоод эцэс төгсгөлгүй амьдрахсан.

Май Хундагаа.

2008-12-05T08:56:00+08:00

Май Хундагаа. Палетте шүү. Улаан үс моодонд ороод байгаа гэсэн. Манай ажлын хүүхнүүд улааруулж ягааруулдаг өвчтэй болоод байгаа.

Sex is all ... Sex is zero...

2008-10-27T21:35:00+08:00

2008-10-24T22:11:00+08:00

Still waiting ...
Оцон шувууд шуурга өөд нуруугаа харуулан, шахцалдан зогсож өвлийн шуурганаас амиа хамгаална.
Харин одоо хүсэн хүлээсэн цаг ирж өвөл дуусчээ. Энд тэндгүй учрал. Эх үр, эр эм. Өнчрөгсөд үрчлүүлж, хагацагсад шинийг эрнэ. Ирэгсэд хоол хүнс авчирч үлдэгсэдийг тэтгэнэ. Гэтэл тэр л хэнийг ч үл хайна. Урин дулаан хэдийнэ ирсэн ч тэрний сэтгэлд өвөл дуусаагүй л байна. "Тэр ирэх ёстой". Хагархай өндөгний дэргэд тэр хичнээн удаан хүлээж буй нь үл мэдэгдэх...

Unmeaning.
Тэнд ч дүнгэнээл, энд ч дүнгэнээл. Шинэ амраг, шинэ найз, шинэ дайсан, бэлэн хоол, хүйтэн шөнө, гэсгээх наран, үхэл, яг дэргэд нь төрөлт, учрал. Бүгд үнэ цэнэгүй мэт амархан. Өдөр бүрт л ... Залхсан ялаа. "Далавч минь ямар хариугүй юм бэ?. Дүүлэн тээр өндөрт нисэхсэн"...

Sacrifice.
Өдөржин нэхээд л, нэхээд л. Огтхон ч амсхийх зав үгүй. Чичиргээн ... Ялаа юу?. Шумуул уу?. Зөгий юу?. Догдлол. Тарчилж буйг нь харах сайхан. Амь тавих хүртэл нь хүлээнэ. Бас догдлоно. Нүгэлт аалз.
...Одоо тэр том болжээ. Орчлон нь дуусч буй. Тэнхээ нь ч барагдаж буй. Өдрөөс өдөрт өр төлөөсөө нуруунаас нь шимж бойжиж буй өөрийн удамдаа төлж байгаа хэрэг. Дахиад л шинэ нүгэлтэн...

Duty.
Арван мянга. Арван мянга нэг. Тэр тоолж барах мэт тоолно. Арван таван мянга. Арван таван мянга нэг. Зөөсөөр л. Хичнээн шоргоолж үүнийг идэж хүрэлцэх бол?. Үгүй ээ. Бид чинь тоо томшгүй олон. Тэгэхээр зөөх л хэрэгтэй...

Learning.
Туниа муутай янзага. Бас доголон. Гурван бэлтрэгийн эсрэг тэр ганцаараа. Хоёр нь ноцно. Хөөрхий тэмцэнэ. Үлдсэн нэг нь "Өрөвдөөч түүнийг". Эх чоно архирна. "Миний амьдрал ийм харгис гэж үү?"...

Satisfied.
Цуваа алхаа. Хошуунд нь жингэр. Газар шиншлэн яваад л. Ардаас нь том жижиг олон нохой. Жингэр буланд очоод зогсов. Архиралдаан. Толгой эргэм. Нүд эрээлжлэм. Үл ойлгогдом. Өрсөлдөгчид цөөрсөөр.
...Хүйтэн хөрсөн дээр шархаа долоон хэвтэнэ. Тэр бүгдийг ялсан. Шагналаа ч авсан. Ханасан. Үнэтэй шагнал хямдхан ухамсар...

Belief.
Харанхуй үл мэдэгдэм. Тэр айдас төрүүлэм. Үл мэдэгдэм бүхэн айдас төрүүлдэг. Тэнд. Гэгээ. Ямар үзэсгэлэнтэй вэ. Тийм ээ. Яг л миний мөрөөдөл. Шарррр. Шатаж үхсэн дэнгийн эрвээхэй...

Decided.
Цагын эргэлтээр ирэх хатуу өвлөөс хань ижил, ахан дүүсээ авран хамгаалахаар нүхээ таглан яваа тийм л нэг зурам. Тэр нутаг нугад нь орших хэдэн овог отог зурамны нүхнүүдийг бүгдийг нь бөглөх ёстой ажээ. Тийм ээ энэ удаад тэр сонгогдсон. Магад өөрөө сонгосон. Цагаан цасан дээгүүр дур мэдэн харайж, юунаас ч үл эмээн идэх хоол, хямгадах амины төлөө бус тэр энэ удаад үхэл рүүгээ алхаж буй. Яг л түүний хүссэн шиг. Тийм мэдрэмж. Тэр айдсыг ардаа орхисон...

...

2008-09-16T16:34:00+08:00

Sand dream

2008-09-03T18:55:00+08:00

Навч ... надад ...

2008-09-03T16:59:00+08:00

Гаслан, тавьлан, ганганаан

2008-09-01T11:35:00+08:00

Нэгэн Зураг

2008-08-25T20:42:00+08:00

Нэгэн зураг л байна.
ха ха

Шийдэл

2008-08-25T19:10:00+08:00

Шөнө дуусаагүй байна. Үлдээч
Ширүүн салхи хаалга савна. Эргэлзээ
Хүйтэн өглөө байна. Үлдээч
Зүсрэх бороо довжоон дээр дуслана. Жихүүцэл
Өглөөн унд бэлдээд өгий. Хүлээ.
Өлсөх ч шиг. Гайхшрал
Өнөөдөр ерөөсөө үлдэе. Би явахгүй ээ.
Өө удахгүй нөхөр ирнэ. Одоо яв яв.

Хятадуудыгаа сайлчий ...

2008-08-23T20:02:00+08:00

Муулахыг бол надаар гуйлгалтгүй хэн ч муулчина. Харин сайн талыг нь ярьвал яасы ай?.
Хятад хүний хөдөлмөрийн бүтээмж чадавхи өндөр. Тэр өндөр бүтээмжтэй нь харьцуулхад хөлс өртөг нь хямд шүү. Энэ бол тэдний хамгийн сайн тал буюу Монголд тэдний түрэн орж ирэх болсон хамгийн том шалтаг. Хоёрдугаарт тэд хамгийн хямд үнээр бүтэх хамгийн сайн барааг үйлдвэрлэж чадаж байна. Энэ бол эдийн засгийн хувьд тэднээс хараат байх гол шалтаг. Та нар олсон орлогоо аваад Наран д.стор-т ороод үз дээ. Бидний мэдэх хятад биш бараа тэнд л жинхэнэ утгаараа би шүү. Гуравдугаарт. Тэд жинхэнэ утгаараа нийгэмшиж чаддаг улс шүү. Хятад нийгэм гэдэг жинхэнэ хүмүүсийн нийгэм. Маш хатуу хууль дүрэмтэй. Мань мэт шиг утга алга гэж солиорч явахын оронд тэд амьдралын төлөө бүх л чадлаараа тэмцэж буй улс. Миний мэдэх 3-н сайн тал.

Завтай үедээ та дэвтэр дэлгээд тооны машинаа аваад гэртээ байгаа бүх хятад гэсэн зүйлсээ(Жич: хужаа зүйлсээ ялгаж мэддэг бол шүү дээ) Хятад биш бараа болгоход хэдэн төгрөгний зөрүү гарах нь уу? тооцоод үзээрэй.

Би дурлачижээ... (байдаг л код олоход амархан)

2008-08-22T19:50:00+08:00

2008-08-20T21:29:00+08:00

2 more songs

2008-08-20T18:40:00+08:00

Сонсоход сонин мэдрэмж төрдөг шүү. Ялангуяа Бэдшэйпэд-ийг.

Ойр зуур ба тэр

2008-08-18T21:14:00+08:00

Nothing in my way

2008-08-14T16:54:00+08:00

Тэд

2008-08-13T20:13:00+08:00

Тэд надад энэ мэдрэмжийг өгдөг. Тэгээд дараа нь тэр нь уусаад л алга болчдог. Буруу нь хэнд вэ?. Надад бий. Гэхдээ тэдэнд илүү бий. Өмнөх бичлэгт өгүүлсэн. Би тэднээс хүсдэг. Харин тэд надаас илүүг хүсдэг. Тэдэнд илүүг өгвөл бүр илүүг хүсдэг. Дараа нь миний чадал мөхөстөж, тэгээд л тэр нь уусаад алга болдог. Тэр нь гэж энэ мэдрэмж. Энэ мэдрэмж нь юу вэ гэж ү?. Дулаан. Тэднээс халуу төөнөдөг. Гэхдээ яг л гал түлэхтэй адил. Түлээд л байхгүй бол төөнөхгүй. Тэр галд нь хэт халууцахаар хатгаа авчихна. Гэхдээ хорвоо хэтэрхий харанхуй юм. Харанхуй яагаад ч юм утгагүйлэг санагдаад байдын. Харанхуй үл мэдэгдэм учраас айдаг болоод ч тэр ү?. Гэрэл гэгээ яагаад ч юм сэтгэл татдаг. Тиймийн учир зүгээр л гэрэлтэй баймаар байна. Зүгээр ч биш хэн нэгний гэрэлд орчлонг харж, хэн нэгний илчинд дулаацаж, төлөөсгүй баймаар байна. Тэд энийг мэддэггүй, мэдсэн ч ойлгодоггүй, ойлгох байсан ч хүсдэггүй. Тэд зүгээр л галыг нь түлээд өдөөж байхыг л хүсдэг. Үгүй ээ би түлээчин баймааргүй. Таанууд заавал ингэж бичүүлэх тайлбарлуулах юун?. Мэдэрдэг ч болоосой. :P

Сэдэвгүй

2008-08-11T19:08:00+08:00

Бичих сэдэвгүй болжээ
Би нэг л хэвийн болжээ
Зүсрэх бороонд алхая у?
За байз яаж гуниглах у?
:P